Alumnado de 3º ESO elaborando o climograma de Silleda no ano 2022 cunha folla de cálculo. Os datos foron previamente descargados da internet.

Alumnado de 4º ESO calculando, coa axuda dunha folla Excel, a regresión lineal correspondente aos datos extraídos da estación da Aemet en Silleda e os medidos na nosa estación.

Despois de recoller os datos de temperatura e chuvia no noso observatorio escolar, queremos facer un estudio dos valores obtidos, xa que poden darse diferenzas significativas respecto dos valores doutras estacións cercanas. Así elaboramos unha actividade que se realiza cos alumnos de 4º ESO e que consiste en facer unha regresión lineal a partir dos datos extraídos da estación da AEMET en Silleda.

O motivo de elexir esta estación foi a cercanía á do noso centro (altitude e latitude semellantes). Introducimos os datos nunha folla de cálculo ou ben na calculadora (os días que faltan son os que non houbo clase).

Debuxamos a nube de puntos dos valores de temperaturas mínimas e máximas de ambas estacións, e achamos a recta de regresión, ademais dos valores dos coeficientes de correlación R e de determinación R2.

Se ben no caso da T.MIN a bonanza do axuste é razoablemente boa, non podemos dicir o mesmo para T.MAX. Podemos observar varios días nos que as medicións son moi dispares, así que obtamos pola súa eliminación, mellorando deste modo o valor de R. Os días "atípicos", en amarelo nas táboas anteriores, son o 13, o 17 e o 27 de marzo.  

Así que, unha vez correxidas, as gráficas das temperaturas quedan do seguinte xeito:

Es os resultados estimados das temperaturas máxima e mínima na estación do Colmeiro, unha vez eliminado os datos atípicos, durante a fin de semana do 11 e 12 de marzo son: 

As galegas e os galegos sempre tivemos unha especial querenza polo tempo e polas expresións fraseolóxicas que se inspiran nel, e os habitantes das Illas Británicas comparten esa querenza con nós. É por isto que neste terceiro trimestre quixemos fixarnos nunha serie de expresións idiomáticas inglesas que empregan vocabulario do tempo.

Despois dunha toma de contacto coas mesmas a través dunhas follas de traballo, en 3º ESO quixemos facer uns pequenos vídeos agrupándoas segundo a que aluden e por suposto, intentando atoparlles un equivalente noso.

Botádelle un ollo ós vídeos e veredes de que falamos...

Os alumnos de 3º ESO, dirixidos pola súa profesora de Educación Plástica e Visual, diseñaron e construíron varios paraugas cos que decorar a entrada principal do centro.

Neles aparece o nome do proxecto "Meteocolmeiro", paisaxes que representan distintos climas ou fenómenos meteorolóxicos e códigos QR, que permiten acceder a varios vídeos nos que os propios alumnos explican expresións sobre o tempo e o clima en inglés, aproveitando o traballo que desenvolveron nesta materia.

QUE ÁRBORE PLANTAR A PARTIR DAS HORAS DE FRÍO DOS ÚLTIMOS 10 ANOS

A media de horas de frío invernal durante os últimos 10 anos foi 1222,41. Este término refírese á acumulación de horas por debaixo de 7ºC durante os meses de novembro, decembro, xaneiro e febreiro de cada ano e o seguinte, sendo cada hora de frío unha hora por debaixo desa temperatura. A suma de todas elas permite saír do reposo invernal á arbore frutal, tendo cada especie e variedade unhas necesidades específicas.

Na táboa podemos observar os resultados obtidos na estación de Mouriscade (Lalín), seleccionada por cercanía a Silleda entre as dispoñibles, segundo a web de Meteogalicia. O alumnado de 4º ESO foi o encargado de recopilar e tratar os datos.

A partir das horas de frío dos últimos 10 anos, estudiamos as recomendacións para plantar en Silleda e alrededores. Basámonos na información que aporta o libro "El frío invernal, factor limitante para el cultivo frutal" do que recortamos esta táboa:

Por tanto, algunha das nosas opcións de plantación poderían ser as que aparecen intersecadas pola línea vermella.

Os alumnos de 4º ESO buscaron, na web de Meteogalicia, os datos históricos das horas de frío na estación de Mouriscade (Lalín).

 

              

      

O alumnado de 3º ESO decidiu poñerlle voz ao estudio comparativo de augas pluviais, auga potable da fonte do centro e auga destilada realizado polo alumnado de 4º ESO. Eso si, fixérono en inglés, a modo de vídeo explicativo logo de realizar unha infografía cos pasos a seguir para reutilizar a auga da choiva (versión pdf na marxe dereita, no apartado ligazóns).

Como premio, foron invitados ao laboratorio pola profesora de Física e Química, Marta Aguirre, para realizar o estudio comparativo eles mesmos. Velaí tendes unhas fotos da práctica.