Alumnado de 3º ESO asistindo a unha charla sobre ruído ambiental nas instalacións de Meteogalicia, en Santiago de Compostela.

 

1

2

3

4

O alumnado de 4º ESO, xunto á análise rutinaria das augas pluviais recollidas ao longo do curso co pluviómetro cedido por Meteogalicia, desenvolveu un estudio comparativo de augas pluviais, auga potable da fonte do centro e auga destilada (ver documento de prácticas).               
 

Realizaron prácticas no laboratorio de química para analizar as distintas mostras con diferentes test, como se pode ver nas imaxes 1 e 2. Por outro lado, fixeron un cultivo bacteriano (imaxe 3).

Finalmente, estudaron as características e propiedades da molécula de auga (tipo de enlace, polaridade...) e investigaron sobre as distintas aplicacións das augas pluviais. Agora toca analizar os resultados obtidos, deducir as conclusións e presentar o correspondente informe (imaxe 4).

Alumnado de 3º ESO rexistrando os datos diarios de temperatura e pluviosidade.

 

Alumnado de 3º ESO comprobando o funcionamento dos instrumentos de medida cedidos por MeteoGalicia: termómetro dixital e pluviómetro tipo Hellmann. 

A neve en Siberia está aumentando e podería influir no inverno galego

Cada outubro a comunidade científica fixa a súa atención en Siberia, debido á conexión entre as dimensións da capa de neve durante este mes e a dinámica da estratosfera.

Alí fórmase nos meses de inverno un potente anticiclón térmico. Basicamente, cando o aire se enfría tanto, gaña peso e se acaba xerando en superficie unha área de altas presións. A intensidade e extensión dese sistema de anticiclón depende en boa medida da cantidade de neve.

Se finalmente a neve de Siberia quenta a estratosfera, debilita o vórtice polar e promove unha circulación ondulante da corrente en chorro, pode acabar afectando a Galicia; ben en forma de importantes masas de aire frío ou impulsando borrascas que deriven temporais de vento e choiva.

                                         

No IES Pintor Colmeiro estamos a traballar neste curso académico, de forma interdisciplinar e xunto co alumnado, no proxecto "Meteocolmeiro 22-23", dentro do Programa MeteoEscolas (Plan Proxecta).

Queremos abordar os contidos curriculares de xeito integrado a partir do tema climático, promover entre o alumnado a aprendizaxe colaborativa fomentando as interaccións e responsabilidades, e desenvolver as competencias básicas e a educación en valores.